Solapur News: Akkalkot मध्ये पावसाचा कहर, नागरिकांच्या घरात, शेतात पाणीच पाणी.. | Sakal News

गेल्या आठवडाभरापासून सुरू असलेल्या मुसळधार पावसाने अक्कलकोट तालुक्याला अक्षरशः झोडपून काढलं आहे. या सततच्या पावसामुळे खैराट गावात मोठ्या प्रमाणात पाणी साचले असून नागरिकांच्या घरात आणि शेतात पाणी घुसल्याने मोठं नुकसान झालं आहे. पावसाचा जोर इतका होता की खैराट गावाचा संपर्क काही तास पूर्णपणे तुटून गेला होता. नागरिकांना या परिस्थितीचा मोठा फटका बसला असून तात्काळ पंचनामे करून नुकसान भरपाई द्यावी, अशी मागणी गावकऱ्यांकडून प्रशासनाकडे करण्यात येत आहे.