Beed News: आष्टीत झेंडा लावण्याच्या कारणावरून दोन गट आपापसात भिडले आणि पुढे जे घडलं.. | Video

बीड जिल्ह्यातील आष्टी तालुक्यातील खडकत गावात चौकात झेंडा लावण्याच्या कारणावरून दोन गट आमनेसामने आले. या वादातून वातावरण चिघळले आणि काही वेळातच दगडफेक सुरू झाली. या दगडफेकीत काही व्यक्ती जखमी झाले असून, त्यांच्यावर स्थानिक रुग्णालयात उपचार सुरू आहेत. या घटनेनंतर परिसरात तणाव निर्माण झाला होता. दरम्यान, घटनेचे काही व्हिडिओ सध्या समाज माध्यमांवर व्हायरल होत आहेत. पोलिसांनी वेळीच हस्तक्षेप करत परिस्थिती नियंत्रणात आणली असून, नागरिकांनी अफवांवर विश्वास न ठेवण्याचे आवाहन केले आहे. या प्रकरणी पोलिसांनी 12 जणांविरोधात गुन्हा दाखल केला आहे आणि पुढील तपास सुरू आहे.