Beed News: 'विहिरीतील पाणी का घेतलं?' म्हणत बापलेकाला बेदम मारहाण, तक्रार केल्यात जिवे मारण्याची धमकी | Sakal News

Beed Crime News: बीड जिल्ह्यातील गेवराई तालुक्यातील वडगाव ढोक येथे विहिरीच्या पाण्यावरून झालेल्या वादातून बाप–लेकांना अमानुष मारहाण करण्यात आल्याची धक्कादायक घटना समोर आली आहे. आसाराम चव्हाण आणि बद्रीनारायण चव्हाण यांना “विहिरीतील पाणी का घेतले?” असा जाब विचारत पाच ते सहा जणांनी निर्दयपणे मारहाण केली. या हल्ल्यात दोघांनाही गंभीर दुखापत झाली असून, बद्रीनारायण चव्हाण हे बेशुद्ध अवस्थेत आहेत. दोघांनाही तातडीने बीड जिल्हा रुग्णालयात दाखल करण्यात आले असून त्यांच्यावर उपचार सुरू आहेत.