भाजप आमदार महेश चौघुले आणि माजी महापौर विलास पाटील यांच्या गटांमध्ये रविवारी रात्री भिवंडीमध्ये मोठा संघर्ष झाल्याची माहिती समोर आली आहे. रात्री सुमारे ९ वाजण्याच्या सुमारास दोन्ही गटांमध्ये जोरदार हाणामारी झाली असल्याचे प्रत्यक्षदर्शींनी सांगितले. दरम्यान, कोणार्क विकास आघाडीचे विजयी उमेदवार आणि माजी महापौर विलास आर. पाटील यांच्या बंगल्यावर प्राणघातक हल्ला करण्यात आल्याचीही चर्चा असून या घटनेने परिसरात मोठी खळबळ उडाली आहे. या हल्ल्यामागे भाजप आमदार महेश चौघुले यांचा मुलगा मित चौघुले व त्यांच्या समर्थकांचा सहभाग असल्याचा आरोप करण्यात येत आहे. याशिवाय, आमदार महेश चौघुले यांच्या कार्यालयाबाहेरही लाथाबुक्क्यांनी मारहाण झाल्याचे वृत्त आहे. घटनांनंतर विलास पाटील यांचे समर्थक छत्रपती शिवाजी महाराज चौकात रस्त्यावर आंदोलनाला बसले असून परिसरात मोठी गर्दी झाली आहे. दरम्यान, पोलिसांनी परिस्थिती नियंत्रणात आणण्याचा प्रयत्न सुरू केला असून पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.