Manikrao Kokate: "आता आपल्याला थांबता येणार नाही", कृषीमंत्र्यांचं राज्यासाठी नवं धोरण | Agriculture

'शेती व्यवसाय आता परवडत नाही' अशी चिंता कृषी मंत्री माणिकराव कोकाटे यांनी व्यक्त केली आहे. हवामानातील बदल, बाजारभावातील अनिश्चितता आणि मार्केटचा ताळमेळ न बसणे यामुळे शेतकरी अडचणीत सापडत असून, संपूर्ण कृषी क्षेत्रात मोठे बदल करणे आता काळाची गरज आहे, असे त्यांनी स्पष्ट केले. महात्मा फुले कृषी विद्यापीठ, राहुरी येथे झालेल्या ३८ व्या दीक्षांत समारंभात ते बोलत होते. या कार्यक्रमात त्यांनी कृषी शिक्षण, संशोधन आणि नव्या तंत्रज्ञानाचा प्रभावी वापर करण्याचे महत्त्व अधोरेखित केले.