वक्तृत्वाच्या जोरावर लाखोंच्या सभांवर प्रभाव पाडणारा एक नेता, ज्याने २०१२ साली पक्षप्रवेश केला आणि अवघ्या १३ वर्षांत अजित पवारांचे मन जिंकून त्यांच्या विश्वासातील सर्वात जवळचा सहकारी बनला. पक्षातील महत्त्वाच्या निर्णयांमध्ये भूमिका मिळवून थेट विधानपरिषदेचा विरोधी पक्षनेता आणि दोनदा कॅबिनेट मंत्री होण्यापर्यंतचा त्याचा प्रवास झपाट्याने घडला. हा नेता म्हणजे धनंजय मुंडे. परंतु, आता चित्र बदललं आहे. पक्षात वर्षानुवर्षे महत्वाची भूमिका बजावणाऱ्या धनंजय मुंडेंना अचानक ‘दूर’ ठेवण्यात आल्याची चर्चा राजकीय वर्तुळात जोर धरते आहे. अजित पवारांशी असलेल्या नात्यात नेमका कुठे तडा गेला? निर्णय प्रक्रियेपासून ते प्रचारनियोजनापर्यंत, पूर्वी ‘राईट हँड’ म्हणून ओळखल्या जाणाऱ्या मुंडेंना आता साइडलाइन करण्यामागे काय कारणं आहेत? यातील सर्वात मोठा प्रश्न म्हणजे पक्षाचे स्टार प्रचारक असलेले धनंजय मुंडे परळीबाहेर का दिसलेच नाहीत? आणि महत्त्वाच्या प्रचारसभांना त्यांना बोलावणंच का आलं नाही? यामुळे आता एकच चर्चा रंगतेय "धनंजय मुंडे नको रे बाबा" असं म्हणण्याची वेळ पक्षातील नेते आणि पदाधिकाऱ्यांवर का आली?" आगामी घडामोडी या समीकरणाचा शेवट बदलतील की ही परिस्थितीच पुढे नवी राजकीय दिशा ठरवेल, याकडे राज्याचं लक्ष लागलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.