गोंदिया जिल्ह्यातील गोरेगाव तालुक्यातील गिधाडी गावात विम्याच्या रकमेसाठी सुनेला जीवे मारण्याचा धक्कादायक प्रकार उघडकीस आला आहे. मुलाच्या मृत्यूनंतर सुनेला मिळणारे एलआयसीचे पैसे आणि जमिनीचा हक्क तिला मिळू नये यासाठीच सुनेवर जीवघेणा हल्ला करण्याची सुपारी देण्यात आल्याचा आरोप आहे. गोरेगाव पोलिसांच्या तपासात या प्रकरणाचा पर्दाफाश झाला असून चुडामन कटरे नावाच्या सासऱ्याने दोन जणांना तीन लाख रुपयांची सुपारी देऊन सुनेला मारण्याचा कट रचल्याचे निष्पन्न झाले आहे. अश्विनी कटरे आपल्या वडिलांसह दुचाकीने गोरेगाववरून जात असताना निळ्या चारचाकी वाहनाने त्यांच्या दुचाकीला धडक दिली. या अपघाताचा तपास करताना हा प्रकार हेतुपुरस्सर घडवून आणल्याचे समोर आले. घटनेनंतर पोलिसांकडून पुढील तपास सुरू असून आरोपी सासरा आणि सुपारी किलर्सविरोधात गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.