Karuna Munde यांची एक चाल अन् Dhananjay Munde कोर्टात पुन्हा गोत्यात? | Bandra Court | Mumbai | Beed

धनंजय मुंडेंविरोधात सुरू असलेल्या कायदेशीर लढ्याला नवे वळण मिळाले असून, करुणा मुंडेंनी आपल्या वकिलामार्फत न्यायालयात नवीन याचिका दाखल केली आहे. या याचिकेत त्यांनी धनंजय मुंडेंविरोधातील याचिका मागे घेण्यासाठी सातत्याने दबाव आणला जात असल्याचा गंभीर आरोप केला आहे. तसेच, धनंजय मुंडेंचे गुंड सतत धमक्या देत असल्याचा उल्लेखही त्यांनी याचिकेत केला आहे. करुणा मुंडेंच्या म्हणण्यानुसार, त्यांच्यावरील हा दबाव आणि धमक्या न्यायालयीन प्रक्रियेला प्रभावित करण्याचा प्रयत्न आहे. या याचिकेत करुणा मुंडेंनी एक महत्त्वाचा मुद्दा उपस्थित केला आहे. जोपर्यंत त्यांच्या प्रकरणाचा अंतिम निकाल लागत नाही, तोपर्यंत धनंजय मुंडे यांच्याकडून कोणत्याही साखर कारखान्यांची किंवा इतर मालमत्तेची खरेदी-विक्री थांबवावी, अशी विनंती त्यांनी न्यायालयाकडे केली आहे. या याचिकेमुळे धनंजय मुंडेंच्या अडचणीत आणखी वाढ होण्याची शक्यता वर्तवली जात आहे.