संत तुकाराम महाराजांची पालखी यात्रा आज बारामती तालुक्यातील काटेवाडी गावात पोहोचली आणि संपूर्ण गावात भक्तीमय वातावरण निर्माण झालं आहे. पालखीचे स्वागत करण्यासाठी जय्यत तयारी करण्यात आली असून, गावकरी मोठ्या उत्साहात सहभागी झाले आहेत. काटेवाडीत पालखीचे आगमन हे एक विशेष आध्यात्मिक क्षण मानला जातो. या ठिकाणी एक अनोखी आणि श्रद्धेची परंपरा अनेक वर्षांपासून जपली जाते ती म्हणजे पालखीसमोर धोतरांच्या पायघड्या घालण्याची परंपरा. ही परंपरा नाना ननावरे यांच्या कुटुंबीयांकडे गेल्या तीन पिढ्यांपासून चालत आली आहे. संतांची पालखी गावात येते, तेव्हा ननावरे परिवार आपली भक्ती व्यक्त करत रस्त्यावर स्वच्छ धुतलेली, शुभ्र धोतरं अंथरून पालखीचं स्वागत करतात. संतांच्या पदस्पर्शाने पवित्र होणारी ती पायघड्यांची वाट म्हणजे निस्सीम भक्तीचा आणि सेवाभावाचा अभिमानकारक वारसा आहे, जो आजही तितक्याच श्रद्धेने जपला जातो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.