Sindhudurg Rada: शुल्लक कारणावरून परप्रांतयांची स्थानिक तरुणांना मारहाण, काय घडलं? | Sakal Media | Sakal News

कुडाळ (सिंधुदुर्ग) तालुक्यातील पिंगुळी गुढीपूर येथे शुल्लक कारणावरून झालेल्या वादातून परप्रांतीय तरुणांनी स्थानिक युवकांना बेदम मारहाण केल्याची गंभीर घटना घडली आहे. ही घटना मुंबई–गोवा महामार्गावर घडली. स्थानिक दोन तरुण आणि तीन परप्रांतीय तरुण यांच्यात किरकोळ कारणावरून बाचाबाची झाली. वाद वाढताच परप्रांतीय तरुणांनी स्थानिक युवकांना आपल्या खोलीत खेचून नेले आणि त्यांना बेदम मारहाण केली. यामध्ये एका स्थानिक तरुणाच्या डोक्यात फावड्याने वार करण्यात आला असून तो गंभीर जखमी झाला आहे. पोलिसांनी तातडीने घटनास्थळी धाव घेत परिस्थिती नियंत्रणात आणली. गंभीर जखमी झालेल्या युवकावर उपचार सुरू आहेत. दरम्यान, या हल्ल्यात सहभागी परप्रांतीय युवकांविरोधात गुन्हा दाखल करण्याची प्रक्रिया सुरू असल्याचे पोलिसांनी सांगितले.