आमदारासमोरच धारदार शास्त्राने हल्ला, तरुणाचा मृत्यू, लातूरात उडाली खळबळ | Latur News | Sakal News

Latur News: लातूर शहराच्या पूर्व भागात किरकोळ वादातून २१ वर्षीय तरुणाची धारदार शस्त्राने वार करून निर्घृण हत्या करण्यात आल्याची धक्कादायक घटना समोर आली आहे. या घटनेमुळे परिसरात एकच खळबळ उडाली आहे. दरम्यान, प्रचार सभा संपवून बाभळगावकडे जात असताना आमदार अमित देशमुख यांचा ताफा घटनास्थळाजवळून जात होता. रस्त्यावर रक्ताच्या थारोळ्यात पडलेला युवक दिसताच त्यांनी ताफा तात्काळ थांबवला आणि जखमी युवकाला त्वरित रुग्णालयात दाखल करण्यासाठी मदत केली. मात्र डॉक्टरांनी उपचार सुरू असतानाच युवकाचा मृत्यू झाल्याचे घोषित केले. या प्रकरणाची माहिती मिळताच पोलिसांनी तातडीने कारवाई करत संबंधित आरोपींना ताब्यात घेतले असून पुढील तपास सुरू आहे.