Shetkari Karjmafi News: Devendra Fadanavis यांनी थेट उत्तर दिलं । Pune News

विधानसभा निवडणुकीपूर्वी महायुतीकडून राज्यातील शेतकऱ्यांना दिलेल्या कर्जमाफीच्या आश्वासनावर अद्याप ठोस निर्णय न झाल्याने विरोधकांनी टीकेची झोड उठवली आहे. मात्र, या पार्श्वभूमीवर मुख्यमंत्री देवेंद्र फडणवीस यांनी आज (२१ जून) पुण्यात माध्यमांशी बोलताना सरकारची भूमिका स्पष्ट केली. महायुतीने दिलेला एकही शब्द सरकार फिरवणार नाही. योग्य वेळी कर्जमाफीसंदर्भात निर्णय घेतला जाईल, असं आश्वासन फडणवीस यांनी दिलं. सरकारकडे या विषयाची संपूर्ण दखल असून शेतकऱ्यांच्या हितासाठी निर्णय लवकरच जाहीर केला जाईल, असे संकेतही त्यांनी यावेळी दिले. राज्यात महायुतीचे सरकार स्थापन होऊन सहा महिने झाले असले तरी, कर्जमाफीबाबत ठोस पावले उचलली जात नसल्याने शेतकऱ्यांमध्ये असंतोषाचे वातावरण आहे.