Navi Mumbai Mahapalika Election: Ganesh Naik मतदार यादीत नाव नसल्यानं गोंधळ, कुटुंबासह फिरावं लागलं | Sakal News

महानगरपालिका निवडणुकीदरम्यान वनमंत्री गणेश नाईक यांना मतदानासाठी केंद्र शोधताना गोंधळाचा सामना करावा लागला. नेमके कोणत्या मतदान केंद्रावर मतदान करायचे याबाबतची स्पष्ट माहिती नसल्याने नाईक यांना आपल्या कुटुंबासह एकाहून अधिक ठिकाणी फेरफटका मारावा लागला. या गोंधळामुळे काही काळ मतदान प्रक्रियेत अडथळा निर्माण झाला. "मी आमदार आणि मंत्री असूनही मला मतदानासाठी कुठे जायचे हेच समजत नसल्यास साध्या नागरिकांची काय अवस्था होत असेल?" असा संतापही नाईक यांनी व्यक्त केला. शेवटी दुसऱ्या ठिकाणी मतदान असल्याचे लक्षात आल्यानंतर ते त्या ठिकाणी दाखल झाले आणि मतदानाचा हक्क बजावला. निवडणूक विभागाकडून मतदार केंद्रांची पुरेशी व स्पष्ट माहिती न मिळाल्याचा हा परिणाम असल्याचे स्थानिक नागरिकांकडून म्हणणे येत आहे.