मराठा आरक्षण आंदोलनाचे नेते मनोज जरांगे पाटील यांनी धक्कादायक दावा केला आहे. त्यांच्या हत्येचा कट रचला जात असल्याची माहिती त्यांना मिळाल्याचे ते म्हणाले असून, या पार्श्वभूमीवर त्यांनी समाजाला शांतता राखण्याचे आवाहन केले आहे. “आज माझ्यावर येत नाही, कारण तुमच्यावरही शक्ती नाही. पण ही घटना अत्यंत गंभीर आहे, ती गांभीर्याने घ्या,” असे आवाहन करत जरांगे यांनी राज्यातील सर्वपक्षीय मराठा नेत्यांना या प्रकरणाकडे लक्ष देण्यास सांगितले. राजकीय मतभेद किंवा भाषणबाजीपेक्षा एखाद्याच्या जीवावर उठणे हे अत्यंत गंभीर असल्याचे ते म्हणाले. “आज माझ्यावर आलेली वेळ उद्या तुमच्यावरही येऊ शकते,” असा इशारा देत त्यांनी सर्व सरपंच, आमदार, मंत्री, माजी आणि विद्यमान नेत्यांनी एकत्र येऊन अशा हिंसक वृत्तीचा नायनाट करावा, असे आवाहन केले. जरांगे यांनी सांगितले की, “आपण खंबीर आहोत, आणि समाजासाठी सुखाचे दिवस नक्की आणू.” त्यांच्या या वक्तव्यामुळे राज्यात राजकीय आणि सामाजिक वर्तुळात मोठी खळबळ उडाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.