मुंबई महापालिकेच्या प्रभाग क्रमांक १२४ मध्ये मध्यरात्री दोन शिवसेना गटांमध्ये वादाची तीव्र स्थिती निर्माण झाली. शिंदे गट आणि ठाकरे गटातील कार्यकर्त्यांमध्ये झालेल्या राड्यात शिवसेना (ठाकरे गट) उमेदवार सकीना शेख यांच्या कार्यकर्त्यांना शिंदे गटाचे उमेदवार हारून खान यांच्या कार्यकर्त्यांनी मारहाण केल्याचा आरोप ठाकरे गटाकडून करण्यात आला आहे. ठाकरे गटाच्या म्हणण्यानुसार, पैसे वाटप करत असल्याची माहिती मिळाल्यानंतर त्यांच्या पदाधिकाऱ्यांनी तेथील परिस्थितीची चौकशी केली. त्यानंतर वाद चिघळला आणि शिंदे गटाच्या कार्यकर्त्यांनी हल्ला केल्याचे त्यांनी सांगितले. या हल्ल्यात ठाकरे गटातील दोन कार्यकर्ते जखमी झाले असून त्यांना उपचारासाठी राजावाडी रुग्णालयात दाखल करण्यात आले आहे. पार्क साईट पोलीस ठाण्यात याप्रकरणी तक्रार नोंदवण्यात आली असून पोलीस पुढील तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.