विनयभंगानंतर तरुणीला लोकलखाली ढकलल्याचा आरोप; नायगाव स्थानकातील धक्कादायक घटना|Naigaon | Mumbai news

मुंबई लोकलमधील महिलांच्या सुरक्षेचा प्रश्न पुन्हा ऐरणीवर आला आहे. मालाडहून विरारला जाणाऱ्या लोकलमधून प्रवास करणाऱ्या २० वर्षीय तरुणीचा भाईंदर ते नायगाव दरम्यान एका अनोळखी व्यक्तीने विनयभंग केल्याचा आरोप आहे. नायगाव स्थानकात झालेल्या वादानंतर आरोपीने तरुणीला धक्का दिल्याने ती दोन डब्यांच्या मधून रुळावर पडली. या दुर्घटनेत तिचा डावा हात कोपरापासून कापला गेला. पोलिसांनी गुन्ह्यात योग्य कलमे लावली नसल्याचा आरोप पीडितेने केला आहे. यानंतर मनसेने रेल्वे पोलिसांकडे पाठपुरावा करत योग्य कलमे वाढवण्याची मागणी केली.