Nagpur Dangal : Fahim Khan च्या विरोधात मोठी कारवाई, घरावर हतोडा | Video Viral

रविवार १७ मार्चला नागपुरमध्ये झालेल्या दंगलीचा मुख्य सूत्रधार फहिम खानच्या विरोधात नागपूर मनपानं मोठी कारवाई करत त्याच्या घरावर बुलडोझर चालवलं. नागपूर महानगरपालिकेने त्याच्या कुटुंबाला या संदर्भात नोटीस बजावल्यानंतर आता प्रत्यक्ष कारवाईला सुरुवात झाली आहे. फहीम खान याच्या नागपूरच्या टेकानाका परिसरातील घर बांधतांना काही भागात अतिक्रमण केलं होतं. फहिम खानच्या घरासमोरचं टीनाच शेड तोडण्यात आलं असून, तोडकाम कारवाईच्या आधी फहिम खानच्या परिवाराने रात्री घर रिकामं केलं. फहिम खानच्या घराची मालकी त्याच्या आईच्या नावावर असून, विद्युत पुरवठा खंडित करून दोन जेसीबी आणि एक पोकलँडच्या साह्याने तोडण्याचं काम सुरू आहे. तसेच त्याठिकाणी पोलिसांचा मोठा फौजफाटा तैनात आहे.