Nagpur News: ओबीसीं मुलींच्या वस्तीगृहात शिरून मुलीचा विनयभंग | Devendra Fadnavis | Sakal News

मुख्यमंत्री देवेंद्र फडणवीस यांच्या गृहनगरात, हिंगणा रोडवरील राष्ट्रीय ओबीसी मुलींच्या वस्तीगृहात मुलींच्या सुरक्षेचा गंभीर मुद्दा समोर आला आहे. वस्तीगृहात राहणाऱ्या एका मुलीचा विनयभंग झाल्याची धक्कादायक घटना समोर आली आहे. आरोपी अद्यापही फरार असून, पोलिसांकडून शोध सुरू आहे. ही घटना उजेडात आल्यानंतर वसतिगृहाच्या गृहपाल उज्वला पाटील आणि महिला सुरक्षा रक्षक रेखा आवारी यांना बडतर्फ करण्यात आले आहे. विशेष म्हणजे, हे वसतिगृह नऊ महिन्यांपूर्वीच सुरू झाले असले तरी सात महिन्यांपासून येथे योग्य सुरक्षा व्यवस्था नव्हती. ना सीसीटीव्ही कॅमेरे होते, ना स्थायिक सुरक्षा रक्षक. इतकंच नव्हे तर, 64 मुली राहत असलेल्या वसतिगृहातील अनेक खोल्यांचे कडी-कोयंडेही तुटलेले होते, जे थेट व्यवस्थेच्या निष्काळजीपणाची साक्ष देतात.