Nagpur News: शासकीय फाईल घेऊन दारुच्या दुकानात बैठक, Devendra Fadnavis यांच्या नागपुरातला | Video Viral

मुख्यमंत्री देवेंद्र फडणवीस यांच्या गृहनगरात नेमकं चाललय तरी काय हा मोठा प्रश्न तयार झाला आहे. काही दिवसांपूर्वी एका वृद्ध महिलेला भर रस्त्यात चाकू भोकसून हत्या करण्यात आल्याची धक्कादायक घटना घडली होती. तसेच एका मुलींच्या वसतीगृहात घुसून एका विद्यार्थीनीचा विमयभंग केला गेला असल्याचा हि प्रकार उघडकीस आला होता. यातच आता नागपूरच्या मनीष नगरमधील एका बियर बारमध्ये तीन व्यक्ती बसलेले आणि त्यातील एकजण दारूचे घोट घेत शासकीय फाईल दाखवत असल्याचा व्हिडीओ व्हायरल झाला आहे. व्हिडीओमध्ये 'महाराष्ट्र शासन' असं स्पष्ट दिसत असून हा प्रकार रविवारी, सुट्टीच्या दिवशी घडल्याने खळबळ उडाली आहे. कार्यालयाबाहेर शासकीय कागदपत्रांसह बारमध्ये अधिकारी कसे आले, यावर अनेक प्रश्न उपस्थित झाले आहेत.