Bhakti Gujrathi Case: सासरच्या जाचाला कंटाळून Bhaktiनं उचललं टोकाचं पाऊल, नवरा अन् सासऱ्याला अटक

नाशिकच्या भक्ती गुजराथी आत्महत्या प्रकरणात नाशिक पोलिसांनी मोठी कारवाई करत पती अथर्व गुजराथी आणि सासरे योगेश गुजराथी यांना गुजरातमधील नवसारी येथून अटक केली आहे. भक्तीच्या कुटुंबीयांनी सासरच्या मंडळींवर मानसिक आणि शारीरिक छळाचे गंभीर आरोप केले होते. त्यामुळेच भक्तीने आत्महत्या केल्याचा आरोप तिच्या आई-वडिलांनी केला होता. या प्रकरणात भाजप आमदार चित्रा वाघ यांनीही लक्ष घातले असून, त्यांनी नुकतीच नाशिकचे पोलीस आयुक्त संदीप कर्णिक यांची भेट घेऊन या प्रकरणाची सखोल चौकशी करण्याची मागणी केली होती. पुण्यातील वैष्णवी हगवणे आत्महत्या प्रकरणानंतर राज्यभरात महिला अत्याचाराच्या घटनांवरून संतापाची लाट उसळली आहे. त्यामुळे भक्ती गुजराथी प्रकरणाकडेही सर्वांचे लक्ष वेधले गेले आहे.