Chhagan Bhujbal Oath Ceremony: नाराजी नाट्यानंतर भुजबळांची मंत्रिपदी वर्णी, बघा शपथविधी सोहळा..

महाराष्ट्रातील ज्येष्ठ राष्ट्रवादी काँग्रेस (अजित पवार गट) नेते छगन भुजबळ यांनी आज, २० मे २०२५ रोजी, राजभवनात मंत्रीपदाची शपथ घेतली. राज्यपाल सी. पी. राधाकृष्णन यांच्या उपस्थितीत सकाळी १० वाजता हा शपथविधी सोहळा पार पडला. मुख्यमंत्री देवेंद्र फडणवीस, उपमुख्यमंत्री अजित पवार यांचीही या सोहळ्यात उपस्थिती होती. छगन भुजबळ यांना अन्न व नागरी पुरवठा खाते देण्यात येणार आहे. धनंजय मुंडे यांच्या राजीनाम्यानंतर राष्ट्रवादी काँग्रेसच्या गटातील ही जागा रिक्त होती. भुजबळ यांना डिसेंबर २०२४ च्या मंत्रिमंडळ विस्तारात स्थान न मिळाल्याने त्यांच्या समर्थकांमध्ये नाराजी होती. त्यामुळे त्यांचे पुनरागमन हे राजकीयदृष्ट्या महत्त्वपूर्ण मानले जात आहे.