Pandharpur Sharad Mango: तब्बल तीन किलोचा आंबा! आणि शरद पवारांचं नाव

सोलापूर जिल्ह्यातील पंढरपूरचे शेतकरी दत्तात्रय घाडगे यांनी आपल्या आंब्याच्या बागेत एक विशेष आकर्षण निर्माण केलं आहे. त्यांनी तब्बल तीन किलो वजनाचा आंबा यशस्वीरित्या पिकवला असून, या खास आंब्याला त्यांनी 'शरद मँगो' असं नाव दिलं आहे. विशेष म्हणजे, या आंब्याचे नाव राष्ट्रवादी काँग्रेसचे ज्येष्ठ नेते शरद पवार यांच्या नावावरून ठेवण्यात आलं असून, त्यामुळे तो चर्चेचा विषय ठरत आहे. या आगळ्या-वेगळ्या ‘शरद मँगो’ला बाजारात चांगली मागणी असून, तो पाहण्यासाठी राज्याच्या विविध भागांतून लोक पंढरपूरमध्ये येत आहेत.