Pune News: भर रस्त्यात PMPML चालक ST चालकाला भिडला | Pimpri Chinchwad, Sakal News

पीएमपीएमएल बस चालकाची मुजोरी कॅमेऱ्यात कैद झाली आहे. भर रस्त्यात पीएमपीएमएल बस थांबवत या चालकाने एसटी महामंडळाच्या चालक व वाहकाशी जोरदार वाद घातल्याची घटना समोर आली आहे. या वादादरम्यान संबंधित पीएमपीएमएल चालकाने एसटी चालकाला अश्लाघ्य भाषेत शिवीगाळ केल्याचा आरोप आहे. विशेष म्हणजे, शिवीगाळ करणारा हा पीएमपीएमएल चालक अँटोनी कॉन्ट्रॅक्टरकडे कार्यरत असल्याची माहिती समोर आली आहे. घटनेचा व्हिडीओ सध्या सोशल मीडियावर वेगाने व्हायरल होत असून, या प्रकारामुळे सार्वजनिक वाहतूक कर्मचाऱ्यांच्या वर्तणुकीवर प्रश्नचिन्ह निर्माण झालं आहे. दरम्यान, या घटनेची गंभीर दखल घेतली जाणार का? संबंधित पीएमपीएमएल चालकावर कारवाई होणार का? याकडे आता सर्वांचं लक्ष लागलं आहे.