Pune News: Mutha नदीपात्रात उतरू नका, प्रशासनाचं आवाहन | Khadakwasla Dam

पुणे जिल्ह्यातील घाटमाथा आणि धरण परिसरात गेल्या काही तासांपासून जोरदार पाऊस कोसळत आहे. यामुळे खडकवासला धरणातून काल (गुरुवारी) रात्री 15 हजार क्यूसेक वेगाने पाण्याचा विसर्ग सोडण्यात आला. धरणातून पाणी सोडल्यामुळे मुठा नदीच्या पाणीपातळीत वाढ झाली असून, प्रशासनाकडून नदीपात्रालगतच्या गावांना आणि रहिवाशांना सतर्कतेचा इशारा देण्यात आला आहे. मुठा नदीच्या काठावर राहणाऱ्यांनी नदीच्या पात्रात उतरू नये, असे प्रशासनाचे आवाहन असून, पुणे शहरात वारीनिमित्ताने दाखल होणाऱ्या वारकऱ्यांनाही विशेष खबरदारी घेण्याचे आवाहन करण्यात आले आहे. दरम्यान, सकाळपासून पाण्याचा विसर्ग वाढवलेला नसला तरी, पुढील पावसाच्या अंदाजानुसार विसर्गात वाढ होण्याची शक्यता आहे. त्यामुळे नागरिकांनी प्रशासनाच्या सूचनांचे पालन करावे आणि नदीकाठचा परिसर टाळावा, असे आवाहन करण्यात आले आहे.