सांगलीमध्ये शिवसेना शिंदे गटाच्या पदाधिकाऱ्यावर जीवघेणा हल्ला झाल्याची धक्कादायक घटना समोर आली आहे. शिवसेना सांगली शहर प्रमुख सचिन कांबळे आणि उपजिल्हा प्रमुख हरिदास लेंगरे यांच्यावर दोन वेगवेगळ्या ठिकाणी हल्ला करण्यात आला. घटनेनुसार, जुना कुपवाड रोडवरील लक्ष्मी देवळ परिसरात सचिन कांबळे यांना अडवून त्यांच्यावर धक्काबुक्की व मारहाण करण्यात आली. तर उपजिल्हा प्रमुख हरिदास लेंगरे यांच्या गाडीवर कुपवाड फाटा परिसरात हल्ला करण्यात आल्याची माहिती मिळते. या दोन्ही हल्ल्यांत दोन गुन्हेगारांचा सहभाग असल्याचा आरोप करण्यात आला आहे. या प्रकरणी सचिन कांबळे यांनी सध्या संजयनगर पोलीस ठाण्यात तक्रार दाखल केली असून पोलिसांनी हल्लेखोरांविरोधात तपास सुरू केला आहे. घटनेनंतर परिसरात एकच खळबळ उडाली असून हल्ल्यामागचे नेमके कारण अद्याप स्पष्ट झाले नाही. आगामी महापालिका निवडणुकांच्या पार्श्वभूमीवर या प्रकारामुळे राजकीय वातावरणात तणाव निर्माण झाल्याची चर्चा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.