Russia Plague Scare: 200 जणांवर नजर; पुन्हा Lockdownची भीती? नेमकं काय घडलं?

रशियाच्या सायबेरिया भागातील इरकुत्स्क शहरात एका प्रयोगशाळा महिला कर्मचाऱ्याचा संशयास्पद मृत्यू झाल्यानंतर जगभरात न्यूमोनिक प्लेगची (Pneumonic Plague) दहशत पसरली आहे. मृत महिलेच्या संपर्कात आलेल्या तब्बल १९७ जणांना प्रशासनाने तातडीने क्वारंटाईन करून वैद्यकीय निरीक्षणाखाली ठेवले आहे. जरी या महिलेचा मृत्यू प्लेगमुळेच झाला आहे याची अधिकृत पुष्टी रशियन आरोग्य यंत्रणांनी अद्याप केलेली नसली, तरी या घटनेने कोरोना महामारीच्या काळातील भयंकर आठवणी पुन्हा ताज्या केल्या आहेत. हवा, श्वसन आणि संपर्काद्वारे वेगाने पसरणाऱ्या या संसर्गजन्य आजारामुळे पुन्हा जगभरात नवीन साथीचा धोका निर्माण झाला आहे का आणि पुन्हा लॉकडाऊनची परिस्थिती उद्भवू शकते का, असा प्रश्न उपस्थित होत आहे. आरोग्य तज्ज्ञ या परिस्थितीवर बारकाईने लक्ष ठेवून आहेत.