Created By: The Quint
Translated By: Sakal Digital Team
सोशल मीडियावर एक फोटो मोठ्या प्रमाणात व्हायरल होत आहे. या फोटोमध्ये एका सजवलेल्या ऑटो-रिक्षाजवळ उभा असलेला व्यक्ती दिसतो. दावा केला जातोय की हा फोटो महाराष्ट्राचे माजी मुख्यमंत्री एकनाथ शिंदे यांच्या तरुणपणातील आहे.
पोस्टमधील दावा असा आहे की, हा फोटो एकनाथ शिंदे यांच्या तरुणपणातील आहे आणि तो त्यांच्या संघर्षाच्या काळातील आहे.
पोस्टचे Archieve Version इथे पाहता येईल. फेसबुक पोस्टचे Archieve Version इथे पाहू शकता.
पडताळणी दरम्यान असे समोर आले की-
1. हा फोटो एकनाथ शिंदे यांचा नाही, तर तो बाबा कांबळे यांचा आहे, जे महाराष्ट्र रिक्षा पंचायतचे संस्थापक अध्यक्ष होते.
2. फोटो 1997 साली पिंपरी, पुणे येथील रातराणी रिक्षा स्टँडवर घेतला गेला होता.
3. गुगल लेंसचा वापर करून रिव्हर्स इमेज सर्च केला असता, हा फोटो फेसबुकवरील 'महाराष्ट्र रिक्षा पंचायत पुणे' या पेजवर अपलोड करण्यात आला असल्याचे समजले.
4. या पेजवर फोटोच्या कॅप्शनमध्ये स्पष्टपणे उल्लेख आहे की हा फोटो बाबा कांबळे यांचा आहे.
5. रिक्षाचा क्रमांक MH 14 असल्याने, ते पुणे पिंपरी-चिंचवड येथे नोंदणीकृत असल्याचे सिद्ध होते.
6. या पेजवर 2022 मध्येच या दाव्याचे खंडन करणारी पोस्ट टाकण्यात आली होती.
7. बाबा कांबळे यांनी ऑडिओ रेकॉर्डिंगमध्ये सांगितले आहे की त्यांनी 1995 मध्ये आपले धार्मिक शिक्षण पूर्ण केल्यानंतर रिक्षा चालवण्यास सुरुवात केली.
8. फोटो घेतलेला काळ श्रावण महिना होता, जेव्हा सर्व रिक्षा चालक रिक्षा सजवून त्यांच्या वाहनांचे पूजन करतात.
गुगल लेंस रिव्हर्स इमेज सर्चद्वारे फोटो 'महाराष्ट्र रिक्षा पंचायत पुणे' पेजवर सापडला.
पेजवरील कॅप्शनमध्ये फोटो बाबा कांबळे यांचा असल्याचा स्पष्ट उल्लेख होता.
रिक्षाचा क्रमांक (MH 14) पुणे पिंपरी-चिंचवड येथे नोंदवलेला असल्याचे स्पष्ट होते.
2022 मध्ये पोस्टद्वारे दावा खोडण्यात आला होता.
बाबा कांबळे यांचे ऑडिओ रेकॉर्डिंग, ज्यात त्यांनी स्वतः हा फोटो आपलाच असल्याचे सांगितले.
रिक्षा पंचायतच्या पेजवरील इतर पोस्ट ज्यात बाबा कांबळे यांच्या कार्याचा उल्लेख आहे.
निष्कर्ष
व्हायरल फोटोतील व्यक्ती एकनाथ शिंदे नसून बाबा कांबळे आहेत. हा फोटो 1997 चा असून, पिंपरीतील रातराणी रिक्षा स्टँडवरील आहे. त्यामुळे सोशल मीडियावर केला जाणारा दावा पूर्णतः खोटा आहे.
(The Quint या संकेतस्थळाने याबाबतचा रिपोर्ट प्रसिद्ध केला आहे. शक्ति कलेक्टिव्हचा भाग म्हणून 'सकाळ'ने याचं भाषांतर केलेलं आहे.)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.