Created By : Aaj Tak
Translated By: Sakal Digital Team
सोशल मीडियावर एक व्हिडिओ व्हायरल होत आहे, ज्यामध्ये भगवे वस्त्र परिधान केलेले लोक एका दर्गामध्ये उभे आहेत आणि "जय श्री राम"च्या घोषणा देत आहेत. या व्हिडिओला 'छावा' चित्रपटाशी जोडले जात आहे. असे सांगितले जात आहे की, चित्रपट पाहिल्यानंतर लोक मुंबईतील हाजी अली दर्ग्यात घुसले आणि धार्मिक घोषणा दिल्या.
व्हायरल पोस्टमध्ये असे दावे केले जात आहेत की संभाजी महाराजांवर आधारित ''छावा'' चित्रपट पाहिल्यानंतर काही लोक मुंबईतील हाजी अली दर्ग्यात घुसले आणि 'जय श्री राम' असे घोषणा देऊ लागले. सोशल मीडियावर व्हिडिओ शेअर करताना अनेक लोक हाच दावा करत आहेत. व्हिडिओमध्ये, भगवे वस्त्र परिधान केलेले काही लोक एका मंदिराभोवती उभे आहेत आणि 'जय श्री राम' च्या घोषणा देत आहेत.
हा व्हिडिओ थ्रेड्सवर शेअर करताना एका व्यक्तीने लिहिले की, “थिएटरमध्ये ''छावा'' चित्रपट पाहिल्यानंतर, शो संपल्यानंतर सर्वजण हाजी अलीमध्ये दाखल झाले. महाराष्ट्र मुंबईतील हिंदू मराठा आता जागे झाले आहेत."
तथ्य पडताळणी केली असता हा व्हायरल व्हिडिओ चुकीचा दावा करणारा मिसलिडिंग असल्याचे समोर आले. हा व्हिडिओ छावा चित्रपट प्रदर्शित होण्यापूर्वीचा आहे. हा व्हिडिओ १२ फेब्रुवारी २०२४ रोजी इंस्टाग्रामवर शेअर करण्यात आला होता, तर 'छावा' चित्रपट १४ फेब्रुवारी रोजी प्रदर्शित झाला. म्हणजेच, हा व्हिडिओ चित्रपटाच्या रिलीजपूर्वीचा आहे.
व्हायरल व्हिडिओ मुंबईतील हाजी अली दर्ग्याचा नसून, ठाणे येथील हाजी मलंग दर्ग्याचा आहे. हा दर्गा हिंदू आणि मुस्लिम समुदायांसाठी धार्मिक महत्त्वाचा आहे. हिंदू समुदाय याला मच्छिंद्रनाथांची समाधी मानतो, तर मुस्लिम समुदाय याला हाजी मलंग शाहचा दर्गा म्हणतो.
'@atish_mhatre__25' या इंस्टाग्राम अकाउंटवर १२ फेब्रुवारी रोजी हा व्हिडिओ "मच्छिंद्रनाथ की आरती" या कॅप्शनसह शेअर करण्यात आला होता.
हा व्हिडिओ माघी पौर्णिमेच्या दिवशी (१२ फेब्रुवारी) हाजी मलंग दर्ग्यात झालेल्या आरतीचा आहे. दरवर्षी या दिवशी हिंदू समुदायातील लोक दर्ग्यात येऊन आरती करतात आणि भगवी चादर अर्पण करतात. यावर्षी महाराष्ट्राचे उपमुख्यमंत्री एकनाथ शिंदे देखील या कार्यक्रमात उपस्थित होते. महाराष्ट्राचे उपमुख्यमंत्री एकनाथ शिंदे यांनी त्यांच्या अधिकृत एक्स (ट्विटर) अकाउंटवर १२ फेब्रुवारी रोजी हाजी मलंग दर्ग्याला भेट देऊन भगवी चादर अर्पण केल्याबद्दल माहिती दिली होती.
आज तकचे ठाणे येथील प्रतिनिधी मिथलेश गुप्ता यांनी पुष्टी केली की, हा व्हिडिओ ठाण्यातील हाजी मलंग दर्ग्याचा आहे आणि तो माघी पौर्णिमेच्या दिवशीचा आहे.
हाजी मलंग दर्ग्याबद्दल हिंदू आणि मुस्लिम समुदायातील लोक वेगवेगळे दावे करतात. हिंदू समुदाय याला मच्छिंद्रनाथांची समाधी मानतो, तर मुस्लिम समुदाय याला हाजी मलंग शाहचा दर्गा म्हणतो.
व्हायरल व्हिडिओ मुंबईतील हाजी अली दर्ग्याचा नसून, ठाणे येथील हाजी मलंग दर्ग्याचा आहे. हा व्हिडिओ 'छावा' चित्रपटाच्या रिलीजपूर्वीचा आहे आणि त्याचा चित्रपटाशी काहीही संबंध नाही. मुंबईतील हाजी अली दर्ग्यात अशा कोणत्याही घटनेचा अहवाल नाही. म्हणून, व्हायरल व्हिडिओमधील दावे खोटे आणि दिशाभूल करणारे आहेत आणि तो गैरसमज पसरवण्यासाठी वापरला जात आहे.
(Aaj Tak या संकेतस्थळाने याबाबतचा रिपोर्ट प्रसिद्ध केला आहे. शक्ति कलेक्टिव्हचा भाग म्हणून 'सकाळ'ने याचं भाषांतर केलेलं आहे.)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.