अनंत अंबानी आणि राधिका मर्चंट यांच्या लग्नानिमित्त आज मंगल उत्सव हा कार्यक्रम पार पडला. या कार्यक्रमाला अनेक सेलिब्रिटीज आणि सोशल मीडिया इन्फ्लुएन्सर्सनी हजेरी लावली.
पण सगळ्यात जास्त चर्चा झाली ती या रिसेप्शनला हजेरी लावणाऱ्या दोन मराठी कलाकारांची. अभिनेत्री गिरीजा ओक आणि अभिनेत्री अमृता खानविलकर यांनी या रिसेप्शनला हजेरी लावली.
गिरिजाचा रिसेप्शनमधील लूक सध्या चर्चेत आहे. गिरिजाने जांभळ्या रंगाची पैठणी साडी नेसली होती आणि त्यावर साजेल असा लॉँग ब्लाऊज घातला होता.
या साडीला शोभतील असे चंदेरी दागिनेही तिने घातले होते. तिची ही पारंपरिक पैठणी साडी सगळ्यांना आवडली.
गिरीजाचा हा लूक नेहा चौधरी या स्टायलिस्टने केला होता तर तिने या फोटोंना 'पैठणीचं नेसायची होती' असं कॅप्शन दिलं.
तर ग्लॅमगर्ल अमृता खानविलकरनेही या रिसेप्शनला हजेरी लावली.
पिंक रंगाच्या ग्लॅमरस लूकमध्ये अमृता फॅब्युलस दिसत होती. पिंक रंगाचा क्रॉप टॉप, त्याखाली फिश टेल कटचा लॉन्ग स्कर्ट या लूकने सगळ्यांचं लक्ष वेधून घेतलं.
अमृताचा हा लूक कोणी डिझाईन केला होता हे रिव्हील केलं नसलं तरीही रिसेप्शनमधील तिचे फोटो व्हायरल झाले आहेत.