एमआयटी वर्ल्ड पीस युनिव्हर्सिटीच्या डॉ. उमेश कुमार बी. दुबे यांचे प्रोजेक्ट मॅनेजमेंटवरील आंतरराष्ट्रीय पुस्तक प्रकाशित.

पुणे :
एमआयटी वर्ल्ड पीस युनिव्हर्सिटी, पुणे येथील गणित व सांख्यिकी विभागाचे सहाय्यक प्राध्यापक डॉ. उमेश कुमार बी. दुबे यांचे “मल्टिडिसिप्लिनरी प्रोजेक्ट मॅनेजमेंट फॉर ऑर्गनायझेशनल सक्सेस” हे पुस्तक आंतरराष्ट्रीय स्तरावरील सीआरसी प्रेस, टेलर अँड फ्रान्सिस ग्रुप या नामांकित प्रकाशन संस्थेने नुकतेच प्रकाशित केले आहे.

अभियांत्रिकी, विज्ञान व व्यवस्थापन या विविध शाखांमधील प्रगत प्रोजेक्ट मॅनेजमेंट तंत्रांचा समन्वय साधणारे हे पुस्तक रिसर्चर्स, प्रोफेसर्स, इंडस्ट्री क्षेत्रातील प्रोफेशनल्स तसेच पोस्ट ग्रॅज्युएट विद्यार्थ्यांसाठी उपयुक्त ठरणार आहे. या पुस्तकाचे प्रकाशन हे डॉ. दुबे यांच्या अकॅडमिक करिअरमधील महत्त्वपूर्ण टप्पा मानले जात आहे.

यापूर्वी डॉ. दुबे यांनी “रिसर्च मेथडॉलॉजी : टेक्निक्स अँड ट्रेंड्स” तसेच “क्वांटिटेटिव टेक्निक्स इन बिझनेस, मॅनेजमेंट अँड फायनान्स” ही अकॅडमिक रेफरन्स ग्रंथ स्वरूपातील पुस्तके प्रकाशित केली आहेत.

या यशाबद्दल डॉ. दुबे यांनी मा. प्रा. (डॉ.) विश्वनाथ डी. कराड, डॉ. राहुल व्ही. कराड, डॉ. मिलिंद पांडे, डॉ. अनुप काळे (असोसिएट डीन, स्कूल ऑफ सायन्स अँड एन्व्हायर्नमेंटल स्टडीज), डॉ. प्रशांत मालवडकर (प्रोग्राम डायरेक्टर, गणित व सांख्यिकी विभाग) तसेच एमआयटी वर्ल्ड पीस युनिव्हर्सिटीच्या प्रशासनाचे मार्गदर्शन व सहकार्याबद्दल कृतज्ञता व्यक्त केली आहे.