सोने,चांदीच्या दरात वाढ, जाणून घ्या आजचे भाव

सोन्या-चांदीच्या दरात आज वाढ झाली आहे. दहा ग्रॅम २२ कॅरेट सोन्याची किंमत आज ४७,६०० रुपये आहे. मागील ट्रेडमध्ये ह्या मौल्यवान धातूची किंमत ४७,१६० रुपये प्रति १० ग्रॅमवरवरच ​​बंद झाली होती. त्यामुळे ग्राहकांना काही काळ सोने-चांदी (Gold-Silver) वाढीव दराने खरेदी करावी लागणार आहे. गुड रिटर्न्स या वेबसाइटनुसार चांदी ६५,४०० रुपये प्रति किलोने विकली जात आहे. आंतरराष्ट्रीय मौल्यवान धातूच्या किंमती (Price) आणि रुपयाच्या घसरणीमध्ये सुधारणा होत असताना सोने-चांदीचे दर वाढले आहे. (Gold Sliver Today's Price Updates)

असा आहे आजचा भाव?

गुड रिटर्न्स वेबसाईटनुसार मुंबईमध्ये २२ कॅरेट सोन्याची किंमत प्रति १० ग्रॅम ४७,१६० रुपये आहे. तर, २४ कॅरेट सोन्याचा दर वाढला आहे. मुंबईत २४ कॅरेट सोन्याची किंमत ४९,१६० प्रति १० ग्रॅम आहे. पुण्यात प्रति १० ग्रॅम २२ कॅरेट सोन्याचा दर ४६,४०० असेल तर २४ कॅरेट सोन्याचा दर ४८,९२० रुपये असेल. नागपूर मध्ये प्रति १० ग्रॅम २२ कॅरेट सोन्याचा दर ४७,१६० तर २४ कॅरेट सोन्याचा दर ४९,१६० रुपये इतका असेल. चांदीचा आजचा प्रती १० ग्रॅमचा दर ६३२ रुपये आहे. (Gold Sliver Price Today)