Share Market: शेअर बाजारात तेजी; सेन्सेक्स अन् निफ्टीमध्ये झाली एवढ्या अंकांची वाढ

Share Market Updates: पाच राज्यांच्या निवडणूकांच्या निकालांच्या दरम्यान आज भारतीय शेअर बाजारात तेजी दिसून आली. सलग तिसऱ्या दिवशी शेअर बाजारामध्ये वाढ झाली. दिवसअखेर सेन्सेक्स आणि निफ्टी दोन्ही निर्देशांक हिरव्या रंगामध्ये बंद झाला. सेन्सेक्स 817.06 अर्थात 1.50 टक्यांच्या वाढीसह 55464.39 वर बंद झाला, तर निफ्टीही 249.55 अर्थात 1.53 अंकांनी वधारून 16594.90 वर बंद झाला. (Share Market: Stock Market Rocket; Sensex Nifty also rose)

आज सकाळी शेअर बाजारानं दमदार सुरुवात केली होती. आजच्या दिवसाच्या सुरुवातीला निफ्टी (Nifty) 303.70 अर्थात 1.85 टक्क्यांनी वधारून 16,757.10 वर सुरु झाला तर सेन्सेक्सही (Sensex) 1,595.14 अंकांनी वधारून 56242.47 वर सुरु झाला. 45 स्टॉक्समध्ये वाढ झाली तर 5 शेअर्समध्ये घसरण झाली

या पार्श्वभूमीवर शेअर बाजाराने आज दमदार कामगिरी केली आहे. पहिल्या दोन तासानंतर सेनेक्स 1357 अंकांनी वधारून 56000 च्या आसपास ट्रेड करत आहे. तर निफ्टीही 387.05 अर्थात 2.37 ट्क्क्यांनी वधारून 16732.40 वर पोहोचला आहे.