श्रीनगर - जम्मू काश्मीरमधील उरी सेक्टरमध्ये शुक्रवारी रात्री भारतीय जवानांनी दहशतवाद्यांचा घुसखोरीचा कट उधळून लावत केलेल्या गोळीबारात पाच दहशतवाद्यांना ठार मारण्यात आले आहे. बुधवारपासून भारतीय लष्कराने 12 दहशतवाद्यांचा खात्मा केला आहे.
लष्कराच्या प्रवक्त्याने दिलेल्या माहितीनुसार, उत्तर काश्मीरमधील उरी सेक्टरमध्ये प्रत्यक्ष नियंत्रण रेषेवरून (एलओसी) भारतीय हद्दीत प्रवेश करत असलेल्या दहशतवाद्यांचा कट लष्कराने उधळून लावला. भारतीय जवानांनी दहशतवाद्यांवर केलेल्या गोळीबारात पाच दहशतवादी ठार झाले आहेत. तर, परिसरात आणखी शोधमोहिम राबविण्यात येत आहे.
भारतीय हद्दीत घुसखोरी करत असलेल्य 39 दहशतवाद्यांना यावर्षी ठार मारण्यात आले आहे. तर, बुधवारपासून तिसऱ्यांदा दहशतवाद्यांचा घुसखोरीचा कट उधळून लावण्यात आला आहे. उत्तर काश्मीरमधील माछिल, नौगाम, गुरेझ आणि उरी या सेक्टरमध्ये दहशतवाद्यांच्या घुसखोरीच्या घटनांमध्ये वाढ झाली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.