राष्ट्रीय स्वयंसेवक संघाच्या संयोजकाच्या हत्येनंतर शहरात तणावाची परिस्थिती निर्माण झालीय.
राजस्थानमधील चित्तौडगडमध्ये राष्ट्रीय स्वयंसेवक संघाच्या (RSS) संयोजकाच्या हत्येनंतर शहरात तणावाची परिस्थिती निर्माण झालीय. मयत रत्ना सोनी (Chittorgarh RSS Worker Murder) एका सामाजिक कार्यक्रमात सहभागी होऊन परतत असताना दुसऱ्या समाजातील तीन-चार तरुणांनी त्यांच्यावर हल्ला केला. या हल्ल्यात रत्ना सोनी यांचा मृत्यू झालाय.
या घटनेनंतर हिंदू बाजूच्या हजारो लोकांनी रात्रभर शहरातील मुख्य चौकात निदर्शनं केली. परिस्थिती पाहता शहरात मोठ्या प्रमाणात पोलीस बंदोबस्त (Rajasthan Police) तैनात करण्यात आलाय. शहरात कलम 144 लागू करण्यात आलंय. मिळालेल्या माहितीनुसार, राष्ट्रीय स्वयंसेवक संघाचा संयोजक रत्ना सोनी रात्री उशिरा एका कार्यक्रमात सहभागी होऊन परतत होता. यादरम्यान परस्पर भांडणातून इतर समाजाच्या लोकांनी त्यांच्यावर हल्ला केला.
या हल्ल्यात रत्ना सोनी यांचा मृत्यू झालाय. पोलिसांनी दिलेल्या माहितीनुसार, ही घटना कच्छी बस्ती परिसरातील आहे. इथं काही तरुणांनी रत्ना सोनी यांच्यावर हल्ला केला, त्यामुळं त्यात ते जखमी झाले. जखमी अवस्थेत उदयपूरच्या रुग्णालयात नेत असताना वाटेतच त्यांचा मृत्यू झालाय. या घटनेनंतर संतप्त हिंदू पक्षाच्या लोकांनी रात्रभर निदर्शनं केली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.