सरकारी नोकरीचं स्वप्न होणार पूर्ण; पोस्टात 'या' पदांसाठी भरती

India Post Recruitment 2022 : 'इंडिया पोस्ट'मध्ये (India Post) सरकारी नोकरी (Government Jobs) शोधत असलेल्या तरुणांसाठी एक सुवर्ण संधी आहे. इंडिया पोस्ट, दिल्लीनं मेल मोटर सर्व्हिस विभागांतर्गत स्टाफ कार ड्रायव्हरच्या पदांसाठी अर्ज मागवले आहेत. या पदांसाठी इच्छुक उमेदवार इंडिया पोस्टच्या अधिकृत वेबसाइटवर indiapost.gov.in जाऊन आपला अर्ज करू शकतात.

याशिवाय, उमेदवार https://www.indiapost.gov.in/vas/Pages/India या लिंकवर क्लिक करून या पदांसाठी थेट अर्ज करू शकतात. तसेच, तुम्ही https://www.indiapost.gov.in/VAS/Pages/Recruitment/IP_12012022 या लिंकद्वारे अधिकृत अधिसूचनाही (Notification) पाहू शकता. या भरतीद्वारे एकूण 29 पदं भरली जाणार आहेत.

भरतीसाठी महत्वाची तारीखा

अर्ज करण्याची शेवटची तारीख - 15 मार्च

रिक्त जागांचा तपशील

एकूण पदं : 29 कर्मचारी कार चालक (सामान्य श्रेणी)

पात्रता निकष : उमेदवारानं कोणत्याही मान्यताप्राप्त मंडळातून दहावी उत्तीर्ण केलेली असावी, तसेच ड्रायव्हिंग लायसन्स आणि तीन वर्षांचा अनुभव असावा.

वयोमर्यादा : उमेदवारांची वयोमर्यादा 18 ते 27 वर्षांच्या दरम्यान असावी.

वेतनमान : 19,900 – 63,200/- (स्तर-2)

निवड प्रक्रिया : उमेदवारांची निवड अनुभव आणि कौशल्य चाचणीच्या आधारे केली जाईल.