शबाना आझमींची मुख्यमंत्र्यांवर टीका 

मुंबई : ए दिल है मुश्‍किल या चित्रपटावरून कायदा आणि सुव्यवस्थेबाबत प्रश्‍न निर्माण झालेला असताना, तो सोडवण्याऐवजी मुख्यमंत्र्यांनी मनसेबरोबर करार केला अशी टीका आज अभिनेत्री शबाना आझमी यांनी देवेंद्र फडणवीस यांच्यावर केली. ट्विटरवरून आझमी यांनी फडणवीस यांच्या भूमिकेबाबत नाराजी व्यक्त केली. मनसेवर टीका करताना त्या म्हणाल्या, की कोणताही पक्ष लोकांची देशभक्ती ठरवू शकत नाही. मी देशभक्त आहे की नाही, हे मनसे ठरवणार का? असा सवाल आझमी यांनी केला. मी भारतीय राज्यटनेचा आदर करते, राज ठाकरे करत नाहीत. मग देशभक्त कोण आहे, हे सांगा.