जेव्हा हर्मायनी ग्रेंजर हॅरी पॉटरच्या चौथ्या म्हणजेच गॉब्लेट ऑफ फायर या भागात बॉल डान्ससाठी तिच्या गुलाबी गाऊनमध्ये आली तेव्हा तमाम हॅरी पॉटर फॅन्सना ती खूप सुंदर आहे हे कळलेच होते. हॅरी पॉटर ही सिरीजच अशी होती की आठ भागांमध्ये अल्बस डंबलडोअर सोडून कोणतेही मुख्य पात्र बदललेले नव्हते. त्यामुळे हॅरी नऊ वर्षांचा असताना त्याच्या प्रवासाबरोबरच आजची तरुण पिढी मोठी होत गेली.
फक्त हॅरीनेच नाही तर हर्मायनी ग्रेंजर म्हणजेच एमा व्हॉटसननेही सगळ्यांची मनं जिंकून घेतली होती. तिची हुशारी, तत्परता आणि हॅरीशी मैत्री आणि एक कर्तबगार जादूगारीण असल्याचे तिने तिच्या या पात्रातून अगदी लोकांना पटवून दिले होते; पण हेच पात्र करण्यासाठी एमाला तब्बल आठ वेळा ऑडिशन द्यावी लागली होती. हॅरी पॉटर या सीरिजची लेखिका जे. के. रोलिंगने एकदा म्हटलं होतं की, हर्मायनीचे पात्र तिने काहीसे तिच्यावर आधारित लिहिले होते. त्यामुळे हॅरी पॉटरच्या ऑडिशनला जेव्हा पहिल्यांदा एमाने स्क्रिन टेस्ट दिली तेव्हाच तिला एमा, हर्मायनी म्हणून आवडली होती; पण बाकीच्यांच्या समाधानासाठी जे. के. रोलिंगने एमाच्या आणखी काही स्क्रिन टेस्ट घेतल्या होत्या. हॅरी पॉटरचा पहिला भाग आला तेव्हा एमा अवघ्या नऊ वर्षांची होती आणि आता नुकतीच ती 27 वर्षांची झालीय.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.