पूजाच्या प्रेग्नंसीचा प्रमोशनल फंडा

टीम ई सकाळ
गुरुवार, 8 जून 2017

मराठी तरुणांच्या हृदयाचा ठोका चुकवणारी ग्लॅम अभिनेत्री पूजा सावंत चक्क प्रेग्नंट असल्याची बातमी वा-यासारखी पसरली, आणि पूजाच्या चाहत्यांना मोठा धक्काच बसला. सोशल नेट्वर्किंग साईटवर पब्लिश झालेल्या पूजाच्या ८ महिन्याच्या बेबी बंप फोटोजमुळे चर्चेला सुरुवात झाली होती.

मुंबई : मराठी तरुणांच्या हृदयाचा ठोका चुकवणारी ग्लॅम अभिनेत्री पूजा सावंत चक्क प्रेग्नंट असल्याची बातमी वा-यासारखी पसरली, आणि पूजाच्या चाहत्यांना मोठा धक्काच बसला. सोशल नेट्वर्किंग साईटवर पब्लिश झालेल्या पूजाच्या ८ महिन्याच्या बेबी बंप फोटोजमुळे चर्चेला सुरुवात झाली होती. पण, आता याला पूर्णविराम मिळाला असून, आगामी 'लपाछपी'या सिनेमाच्या चित्रिकरणादरम्यानचा तिचा हा नवा लुक असल्याचे समोर आले आहे. विशाल फुरिया लिखित आणि दिग्दर्शित 'लपाछपी' हा सिनेमा येत्या  १४ जुलै रोजी प्रदर्शित होत आहे. 

'लपाछपी' या सिनेमाची अंतरराष्ट्रीय स्तरावरील कामगिरी कौतुकास्पद आहे. महाराष्ट्रात प्रदर्शित होण्यापूर्वी  या सिनेमाने अनेक आंतरराष्ट्रीय फिल्म फेस्टिवल्समध्ये आपले नशीब आजमावले असून, आंतरराष्ट्रीय स्तरावरील एकूण १५ पुरस्कारांवर या सिनेमाने बाजी मारली आहे. तसेच हडसन,ओहायो येथील इंटरनेशनल हॉरर हॉटेलचा पुरस्कार देखील 'लपाछपी' या चित्रपटाने आपल्या नावे केला आहे. शिवाय  २०१६ साली माद्रिद येथे झालेल्या माद्रिद इंटरनेशनल फिल्म फेस्टिवल्समध्ये या चित्रपटाला पाच नामांकने देण्यात आली होती. ज्यात पूजाची  सर्वोत्कृष्ट अभिनेत्रींच्या यादीत निवड करण्यात आली होती. त्याचप्रमाणे गतवर्षीच्या ब्रुकलीन फिल्म फेस्टिवल्समध्ये या चित्रपटाला स्पिरीट अवार्डने सन्मानित करण्यात आले होते. तसेच लंडन येथे लवकरच होत असलेल्या  लंडन इंडियन फिल्म फेस्टिवलमध्ये देखील हा सिनेमा दाखवला जाणार आहे. 
 

मनोरंजन

मुंबई : स्टार प्रवाहच्या 'दुहेरी' मालिकेच्या टीमनं नुकताच कोल्हापूर दौरा केला. त्यात निवेदिता सराफ यांच्यासह सुपर्णा श्याम आणि...

05.03 PM

मुंबई : सेन्साॅर बोर्डाचे माजी अध्यक्ष पहलाज निहलानी यांनी आता दरवेळी नवनवे खेळ खेळायला सुरूवात केली आहे. जाणूनबुजून चर्चेत...

04.24 PM

मुंबई : गेल्या काही महिन्यांपासून 'परमाणू.. द स्टोरी आॅफ पोखरण' हा चित्रपट सतत चर्चेत आहे. कोणी कल्पनाही करू शकणार नाही अशा...

03.36 PM