म्हसरूळ (नाशिक) : मुंबई- आग्रा महामार्गावरील के. के. वाघ महाविद्यालयासमोर रविवारी (ता. ५) सायंकाळी झालेल्या अपघातात २५ वर्षीय दुचाकीस्वार जागीच ठार झाल्याची घटना घडली. मयूर बाळू भोसले (रा. विडी कामगारनगर, अमृतधाम, पंचवटी) असे मृत तरुणाचे नाव आहे.
मयूर त्याच्या मोपेडवरून (एमएच १५, बीआर ११४३) मुंबई- आग्रा महामार्गावरून चालला होता. या वेळी के. के. वाघ महाविद्यालयासमोरील उड्डाणपुलाच्या पोल क्रमांक ६४ जवळून तो द्वारकाच्या दिशेने यूटर्न घेत होता. मात्र, त्यावेळी नाशिकमार्गे पालघरला जात असलेल्या शिरपूर-धुळे बसने (एमएच १३, सीयू ६९१०) मयूरला जोरदार धडक दिली. यात मयूर जागीच ठार झाला. याप्रकरणी पंचवटी पोलिस ठाण्यात तक्रार देण्यात आली असून, पोलिस करीत तपास आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.