कर्जत : युरियासाठी शेतकऱ्यांकडून जादा पैसे घेताना, मिरजगाव येथील बीजांकुर कृषी सेवा केंद्रचालकास कृषी अधिकाऱ्यांनी पकडले. दुकानातून युरिया विक्रीवर बंदी घालण्यात आली.
हेही वाचा शिवसेनेतील तेव्हाचे खलनायक आज ठरले नायक
मिरजगाव येथील बीजांकुर कृषी सेवा केंद्रातून चढ्या दराने युरियाची विक्री होत असल्याची तक्रार सीतपूर येथील शेतकऱ्याने तालुका कृषी अधिकारी दीपक सुपेकर यांच्याकडे केली होती. त्यानुसार, सुपेकर यांनी मिरजगाव येथील बीजांकुर सेवा केंद्रात सापळा रचला. युरियासाठी डमी ग्राहक पाठविले.
आवश्य वाचा ग्रामंपचायतीवर योग्य प्रशासक नेमा अन्यथा....
युरियाची कमाल विक्री किंमत 265 रुपये 50 पैसे असताना, दुकानदाराने त्यासाठी 300 रुपये घेतले. नियमित बिलाऐवजी कच्चे बिल माथी मारले. पथकाने जादा पैसे घेताना, दुकानदारास पकडले. तेथील युरियाच्या 36 गोण्या जप्त केल्या. युरिया विक्री बंद करण्याचे आदेश दिले. तालुका कृषी अधिकारी दीपक सुपेकर, गुणनियंत्रक रूपचंद जगताप, मंडल कृषी अधिकारी सोनाली हजारे, कृषी पर्यवेक्षक प्रमोद काळदाते, सहायक श्याम अडसूळ यांनी सहभाग घेतला.
हेही वाचा परवानगी मिळूनही या जिल्ह्यात हॉटेल बंदच
सुपेकर म्हणाले, की तालुक्यातील परवानाधारक दुकानांवर अचानक छापा घालून तपासणी करण्यात येईल. दोषींवर कठोर कारवाई करण्यात येईल. अहमदनगर ,
संपादन - सूर्यकांत वरकड
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.