जिल्हा परिषदेत परस्पर भरती... तीनजणांना नोटिसा

नगर  : जिल्हा परिषदेतील एका विभागातील अधिकारी त्यांच्या खासगी व्यक्तीकडून कामे करून घेत असल्याची बाब "सकाळ'ने समोर आणली होती. त्याची दखल घेत जिल्हा परिषद सामान्य विभागाने संबंधित विभागातील तिघांना नोटीसा बजविल्या आहेत. 

क्लिक करा ः जिल्हा परिषदेच्या चाव्या खासगी व्यक्तीच्या हाती

जिल्हा परिषदेतील एका विभागात अनेक वर्षांपासून खासगी व्यक्ती काम करीत होती. ही बाब "सकाळ'ने समोर आणली. त्याची दखल घेत, प्रशासनाने संबंधित विभागातील तीन कर्मचाऱ्यांना जिल्हा परिषदेतील सामान्य विभागाने नोटीसा बजावून खुलासा मागविला आहे. सामान्य प्रशासन विभागाचे उपमुख्य कार्यकारी अधिकारी वासुदेव सोळंके यांनी ही माहिती दिली.

अवश्य वाचा ः सकारात्मक... यात्रा-सप्ताहातील खर्च टाळून ग्रामविकासावर भर

दरम्यान, तूर्त या व्यक्तीचे जिल्हा परिषदेत येऊन काम करणे बंद झाले आहे. मात्र, काही दिवसानंतर ती व्यक्ती पुन्हा जिल्हा परिषदेत दिसू शकते, अशी चर्चा आहे. 

हेही वाचा ः जामखेडच्या सभापती निवडीचा पुन्हा पेच
 

दरम्यान, सर्व विभागांच्या कामकाजावर लक्ष ठेवण्यासाठी विभागप्रमुख असले, तरी कर्मचाऱ्यांवर देखरेख ठेवण्याची जबाबदारी सामान्य प्रशासनची आहे. असे असताना खासगी व्यक्ती अनेक दिवसांपासून कामकाज कशी करीत होती, असा सवाल उपस्थित होत आहे.

कर्मचाऱ्यांना नोटीस देऊन काहीच साध्य होणार नाही. संबंधित व्यक्तीला कोणी नेमले? त्याचा पगार कोण देत होते, या प्रश्‍नांची उत्तरे सामान्य प्रशासन विभागाने घेऊन दोषींवर शिस्तभंगाची कारवाई करावी, अशी मागणी होत आहे.  

खासगी व्यक्तीच्या नियुक्तीवर पदाधिकारीही अाक्रमक

जिल्हा परिषदेत बिनदिक्कत खासगी व्यक्ती येऊन कामकाज करीत असूनही त्याकडे जिल्हा परिषदेतील अधिकार्यांचे दुर्लक्ष झाल्याने पदाधिकार्यांमधून आश्चर्य व्यक्त केले जात आहे. विशेष म्हणजे ती व्यक्ती जिल्हा परिषदेत येऊ देऊ नये, असा मुख्य कार्यकारी अधिकार्यांचा आदेश असतानाही तो कसा येऊन कामकाज करीत होता, असा सवाल आता उपस्थित होत आहे.