पारनेरच्या रस्त्यांसाठी आमदार नीलेश लंके यांनी आणले एक कोटी

पारनेर : नगतालुक्‍यातील दोन व पारनेर तालुक्‍यातील तीन अशा पाच रस्त्यांसाठी या वर्षासाठीच्या ग्रामीण रस्ते व जिल्हा मार्गांच्या विकासासाठी देण्यात येणाऱ्या निधीतून आमदार नीलेश लंके यांनी एक कोटी पालकमंत्री हसन मुश्रीफ यांच्या सहकार्याने मंजूर करुन घेतले आहेत. 

हेही वाचा - काय सांगता...हा तालुका दरवर्षीच पाळणार लॉकडाउन

जिल्हा परिषद ग्रामीण मार्ग व जिल्हा मार्ग यांच्या अखत्यारीतील हा निधी रस्तेविकासासाठी देण्यात येत असतो. आमदार लंके यांनी या निधीतून बाभूळवाडे-ठाकरवाडी ते अक्कलवाडी, खडीकरण व डांबरीकरणासाठी वीस लाख रुपये, कर्जुले हर्या ते आंधळे झाप खडीकरण व डांबरीकरणासाठी वीस लाख रुपये, पाडळी रांजणगाव ते देवदैठण डांबरीकरणासाठी 25 लाख रुपये या प्रमाणे तालुक्‍यातील तीन रस्त्यांसाठी निधी आणला आहे.

तसेच नगर तालुक्‍यातील शिंगवे नाईक ते कोळ्यांची वस्ती खडीकरण व डांबरीकरणासाठी वीस लाख व निंबळक ते माळवाडी रस्त्यासाठी 15 लाख रुपये असे एक कोटी मंजूर करून आणल्याची माहिती आमदार लंके यांनी दिली. र