Sakshi Athlete Story: साक्षीची ‘एशियन’ची संधी हुकली; वय काही महिन्यांनी कमी पडले, अळकुटीच्या माळरानावरूनचा प्रवास, यशात मोठ्या बहिणींचा वाटा!

-मार्तंड बुचुडे

पारनेर: तालुक्यातील अळकुटीसारख्या छोट्याशा गावात जन्मलेली साक्षी भंडारी..नाव जरी साधं असलं, तरी तिच्या कर्तृत्वाची उंची आकाशाएवढी आहे. प्रतिकूल परिस्थितीशी रोज लढत, डोळ्यांत मोठी स्वप्नं घेऊन धावणाऱ्या या मुलीने राष्ट्रीय क्रॉस कंट्री स्पर्धेत २० वर्षांखालील महिला गटात जनरल चॅम्पियनशिपमध्ये सुवर्णपदक पटकावत आपलं नाव देशभर गाजवलं. सहा किलोमीटर धावण्यातही तिने रौप्यपदक जिंकत आपल्या मेहनतीची साक्ष दिली.