Ganesh Chaturthi Offering at Shirdi Sai Temple Includes 19 Lakh Gold Umbrella and Silver Nandi Worth 1 Crore 20 Lakh
sakal
शिर्डी: साईबाबा हे शिवस्वरूप आहेत, या श्रद्धेने त्यांच्या महानिर्वाणानंतर, त्यांच्या समाधी मंदिरात संगमरवरी नंदीची प्रतिष्ठापना करण्यात आली होती. आज श्रीगणेश चतुर्थीच्या मुहूर्तावर संगमरवरी नंदीच्या मूर्तीची जागा सोन्याची शिंगे असलेल्या चांदीच्या सर्वांगसुंदर नंदी मूर्तीने घेतली. पूर्वीच्या मूर्तीची उत्तरपूजा आणि नव्या चांदीच्या मूर्तीची प्रतिष्ठापना आज मंत्र जागरात विधिवत संपन्न झाली. या नव्या चांदीच्या मूर्तीचे देणगी मूल्य सुमारे १ कोटी वीस लाख रुपये आहे.
