लॉकडाउनमुळे भाजीउत्पादक शेतकरी आर्थिक संकटात 

पारनेर : लॉकडाउनमुळे शेतकऱ्यांना शहरात भाजीपाला पाठविणे अवघड जात आहे. त्यातच आता ग्रामीण भागातील अनेक गावांमध्ये कोरोनाने शिरकाव केल्याने छोट्या-मोठ्या बाजारपेठाही बंद आहेत. परिणामी, शेतकऱ्यांना भाजीपाला कोठे विकावा असा प्रश्‍न पडला आहे. राज्यात व देशात कोरोनाने हाहाकार माजविला आहे. त्यामुळे शहरातील मोठ्या बाजारपेठा बंद आहेत. तसेच वाहतूकही फारशी सुरळीत झाली नाही. त्यामुळे शेतात पिकविलेल्या भाजीपाल्याचे काय करायचे, या चिंतेत सध्या शेतकरी आहेत. 

हेही वाचा गुड! सीना धरणात पहिल्यांदाच जुलै 51 टक्के पाणीसाठा 

सध्या शेतकरी कमी प्रमाणात भाजीपाला करतात. घरी खान्यापुरता भाजीपाला केल्याने अनेकांना बाजारपेठेत जाण्याची वेळ येत नाही. यापूर्वी थोड्या प्रमाणात पिकविलेला भाजीपालाही शेतकरी गावातील किंवा आसपासच्या आठवडे बाजारांत बसून विक्री करून घरचा आठवड्याचा चरितार्थ चालवत असत. मात्र, आता तीन महिन्यांपासून खेड्यापाड्यांत भरणारे आठवडे बाजारही बंद आहेत. तसेच कोरोनामुळे अनेक गावेही बंद आहेत. त्यामुळे शेतकऱ्यांची खेड्यापाड्यांत जाऊन भाजीपाला विकण्याची असलेली सोय बंद झाली आहे. मोठ्या शहरांबरोबरच परिसरातील बाजार बंद झाले आहेत. शहरात कोरोनाने थेट छोट्या गावात व ग्रामीण भागातही शिरकाव केला आहे. त्यामुळे भाजीपाला विकण्यावर मोठी बंधने आली आहेत. 

आवश्‍य वाचा जिल्ह्यातील हिंडफिऱ्यांना 21 लाखांचा दंड 

दुधालाही बाजारभाव नाही. त्यामुळे दूधउत्पादक अडचणीत आहेत. शेतात थोडा-फार भाजीपाला पिकविला जातो तो कोठे विकावा, असा प्रश्न आता शेतकऱ्यांसमोर आहे. भाजीपाल्याला गावात गिऱ्हाईक मिळत नाही व शहरात पाठविता येत नाही. त्यामुळे भाजीपाला उत्पादकांचे मोठ्या प्रमाणावर हाल होत आहेत. अहमदनगर 

हेही वाचा मोठी बातमी : नगरमध्ये एक हजार कोरोना बाधित 

मी एक एकर फ्लॉवर केला होता. तो कसा तरी दोनशे ते अडीचशे रुपये पोत्याने विकला. झालेला खर्चही मिळाला नाही. आता तर सव्वा एकरात बंजारा मिरची केली आहे. ती 15 ते 20 रुपये किलोने विकावी लागली. त्यातून तोडणीचा खर्चही भागत नाही. लॉकडाउनमुळे शेतमाल व भाजीपाला विक्रीची मोठी अडचण झाली आहे. शेतकरी मोठ्या संकटात सापडला आहे. 
- नामदेव तानवडे, शेतकरी, वाडेगव्हाण 

 

 

 

संपादन - सूर्यकांत वरकड 
.....