लोणार (बुलडाणा) : मुळा हा सर्वांच्याच परिचयाचा आहे. काहीजण त्याची भाजी करून खातात तर काहीजण सॅलड म्हणून त्याचा वापर करतात. मुळा म्हणलं तर डोळ्यासमोर लगेच लहान आकारचा मुळा आला असेल, बरोबर ना. पण चक्क लोणार तालुक्यातील गोत्रा येथील शेतकरी भगवान मुंढे यांच्या शेतात तब्बल 9 किलोचा मुळा पिकवला गेला आहे. हायटेक व संकरित जातीमुळे गावरान भाजीपाला तसेच फळे बियाणे नामशेष होत आहेत. संकरित जातीमुळे जास्त उत्पादनाच्या नादात फळे भाजीपाला मोठ्या आकाराचे सुधारित जाती बियाणे कंपन्या बनवतात. आज मुळा विक्रीसाठी व खाण्यासाठी काढले असता त्याचा आकार पाहून गावकरी व परिसरातील शेतकरी अबब करत मुळा पाहण्यासाठी मोठ्या प्रमाणात गर्दी करत आहेत.
बुलढाणा जिल्ह्यातील लोणार तालुक्यातील गोत्रा या गावातील भगवान मुंडे राहतात. मुंडेंनी आपल्या शेतात विविध भाज्या पिकवतात. त्यांच्या शेतात त्यांनी मुळा लावला होता. नेहमीप्रमाणं त्यांनी मुळ्याचं पीक घेतलं होतं. या शेतात इतर मुळामध्ये हा नऊ किलोचा मुळा उगवला आहे. मुळा सॅलड म्हणून भाजी आणि कोशिंबिरीमध्ये वापरले जाते. त्यांनी विक्री करण्यासाठी आणि घरी खाण्यासाठी चांगल्या प्रकारे मशागत करून भाजीपाला मुळा लागवड केली आहे.
नऊ किलोचा मुळा शेतातून काढला त्याबाबत सांगताना मुंडे यांनी सांगितलं की, मुळा पिकाला चांगल्या पद्धतीनं खत पाणी दिलं होतं. जेव्हा मुळा काढण्याची वेळ आली तेव्हा बऱ्यापैकी शेतातील मुळा काढून झाला होता. काम सुरु असतानाच एक मुळा काढण्यासाठी मात्र थोडा वेळ लागला. सुरुवातीला मुळ्याचा आकार थोडा जास्त असेल असं वाटलं पण जेव्हा प्रत्यक्षात मुळा बाहेर काढला तेव्हा तो पाहून शेतकऱ्यांसह इतर मजूरही थक्क झाले. या मुळ्याचं वजन तब्बल 9 किलो इतकं आहे. आता लोकांमध्ये हा कौतुकाचा आणि आश्चर्याचा विषय झाला असून मुळा पाहण्यासाठी लोक गर्दी करत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.