अकोला : जिल्ह्यातील २१४ ग्रामपंचायतींसाठी निवडणुकीची प्रक्रिया राबविण्यात येत आहे. त्यामध्ये अकोला तालुक्यातील ३६ ग्रामपंचायतींचा सुद्धा समावेश आहे. या ग्रामपंचायतींसाठी मतदान यंत्रांवर (ईव्हीएम) मतपत्रिका सील करण्याची प्रक्रिया सोमवारी (ता. ११) जिल्हाधिकारी कार्यालयातील शासकीय गोदामात राबविण्यात आली. यावेळी तहसीलदार विजय लोखंडे यांच्यासह इतरांची उपस्थिती होती. हेही वाचा - ‘मुख्यमंत्री साहेब, पोरगी पाहून माझं लग्न करुन द्या’, वाशिमच्या युवकाचं थेट मुख्यमंत्र्यांना भन्नाट पत्र दुसरीकडे निवडणुकीसाठी आवश्यक असलेल्या सर्वच प्रशासकीय बाबींची तयारी प्रशासनामार्फत करण्यात येत आहे. त्याअंतर्गत सोमवारी (ता. ११) जिल्हाधिकारी कार्यालयातील गोदामात अकोला तालुक्यामधील १६६ मतदान केंद्रांवर मतदानासाठी उपयोगात येणाऱ्या १६६ व २६ डबल बॅलेट यूनिट (ईव्हीएम मशीन) अशा एकूण १९२ मतदान यंत्रणांना सील करण्यात आले. हेही वाचा - ‘कांदा मुळा भाजी अवघी विठाई माझी’, कान्हेरीच्या विठ्ठलाने शेतीलाच केले ‘पंढरी’ त्यापूर्वी मतदान यंत्रांवर कर्मचाऱ्यांनी अनुक्रमांक, उमेदवाराचे नाव व चिन्हाचा समावेश असलेल्या रंगीत मतपत्रिका ईव्हीएम मशीनवर चिटकवल्या. यावेळी बॅलेट व कंट्रोल यूनिटला सील करुन सुरक्षित ठेवण्यात आले. सदर प्रक्रियेसाठी १८ टेबलची व्यवस्था करण्यात आली होती. एकूण ७२ कर्मचाऱ्यांनी ईव्हीएम मशीन सील करण्याची कार्यावाही केली. हेही वाचा - पुन्हा बलात्काराने हादरला महाराष्ट्र, 24 वर्षीय तरुणीवर चालत्या बसमध्येच केला बलात्कार (संपादन - विवेक मेतकर) | |||
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.