अकोला : कोरोना विषाणूच्या पार्श्वभूमीवर लावण्यात आलेल्या टाळेबंदीत एपीएल (केशरी) शिधापत्रिकाधारकांना सवलतीच्या दरात ३ किलो गहू आणि २ किलो तांदूळ प्रती व्यक्तीमागे देण्याचा निर्णय शासनाने घेतला होता. ]त्याअंतर्गत लाभार्थ्यांना जुलै महिन्याचे धान्य सवलतीच्या दरात देण्यात आले. परंतु ऑगस्ट महिन्याचे धान्य देण्यास शासनाने हात अखडता घेतला होता. दरम्यान आता कार्डधारकांना धान्य वाटप करण्याचा मार्ग मोकळा झाला असून नोव्हेंबर महिन्यात दीड लाख केशरी कार्डधारकांना धान्याचे वाटप करण्यात येईल.
टाळेबंदीच्या काळात सदर निर्णयाचा जिल्ह्यातील लाखो लाभार्थ्यांना लाभ मिळाला. परंतु त्यानंतर मात्र शासनाने पुढील महिन्यात धान्य वाटप करण्याचे जाहीर केले नाही. दरम्यान १० जुलैरोजी शासनादेश जारी करुन केशरी शिधापत्रिकाधारकांना जुलै व ऑगस्ट महिन्यासाठी धान्य देण्याचा निर्णय जाहीर केला होता. त्याअंतर्गत एपीएल (केशरी) मधील लाभार्थ्यांना सवलतीच्या दरात गहू व तांदूळ मिळणार होते. परंतु नंतर सदर धान्य देण्यास शासनाने हात अखडता घेतल्याने लाभार्थ्यांना ऑगस्ट महिन्याच्या धान्यापासून वंचित आहेत. (संपादन - विवेक मेतकर) |
|||
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.