अकोला ः कोरोना विषाणू संसर्गाचा धोका जिल्ह्यात कमी होत असतानाच कोरोना अहवालांची संख्या सुद्धा घटली आहे. कोरोनाचे अहवाल गुरुवारी (ता ५) घटल्यामुळे नव्या रुग्णात आठचीच भर पडली. त्यामुळे आता जिल्ह्यात १९८ ॲक्टिव्ह रुग्ण आहेत. परिणामी आरोग्य यंत्रणेवरिल ताण हलका झाला आहे.
कोरोना विषाणू संसर्ग तपासणीचे गुरुवारी (ता. ५) जिल्ह्यात ११७ अहवाल प्राप्त झाले. त्यापैकी ८ अहवाल पॉझिटिव्ह तर १०९ अहवाल निगेटिव्ह आले.
संबंधित रुग्णांमध्ये पाच महिला व तीन पुरुषांचा समावेश आहे. त्यातील मूर्तिजापूर येथून दोन, तर उर्वरित अदलापूर ता. अकोट, वृंदावन नगर, जामठी ता. मूर्तिजापूर, माधव नगर, रामदास पेठ व तेल्हारा येथील प्रत्येकी एक प्रमाणे रहिवासी आहे. याव्यतिरीक्त गुरुवारी (ता. ५) शासकीय वैद्यकीय महाविद्यालय येथून चार जणांना, आयकॉन हॉस्पिटल येथून तीन, हॉटेल रिजेन्सी येथून चार तर स्कायलार्क हॉटेल येथून तीन अशा एकूण १४ जणांना डिस्चार्ज देण्यात आला आहे.
- एकूण पॉझिटिव्ह - ८४९५
- मृत - २८२
- डिस्चार्ज - ८०१५
- ॲक्टिव्ह रुग्ण - १९८
(संपादन - विवेक मेतकर)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.