तणाव : पोलिसांसोबत धक्काबुक्की करत शिवसेनेने जाळला योगींचा पुतळा, आंदोलनानंतर पोलिस व शिवसैनिकांमध्ये शाब्दीक चकमक

अकोला ः उत्तर प्रदेशामधील हाथरस गावात बलात्कार व हत्याकांडाचा निषेध करण्यासाठी शिवसेनेच्या वतीने शनिवारी (ता. ३) दुपारी जुने शहरातील जयहिंद चौकात आंदोलन करण्यात आले. आंदोलनानंतर जयहिंद चौकात वाहतूक कोंडी झाल्याने जुने शहर पोलिस ठाण्याचे ठाणेदार प्रकाश पवार यांनी आमदार गोपीकिशन बाजोरिया व इतर शिवसैनिकांना रस्त्याच्या बाजूला होण्याची विनंती केली.

त्यावर काही शिवसैनिकांनी आक्षेप घेतल्यानंतर घटनास्थळी पोलिस व शिवसैनिकांमध्ये धक्कामुक्की झाली. या प्रकरणी ठाणेदार पवार यांच्यावर कारवाई होत नाही तोपर्यंत जयहिंद चौकातून न हलण्याची भूमिका शिवसैनिकांनी घेतली. परिणामी घटनास्थळी तनावाचे वातावरण निर्माण झाले होते.

• हाथरस  पिडीताचे रिपोस्टमाॅर्टम टाळण्यासाठी पोलीसांनी केले अंत्यसंस्कार- प्रा.मुकुंद खैरे

उत्तर प्रदेशातील हाथरस येथील वाल्मिकी समाजातील तरुणीवर त्याच गावातील उच्च जातीच्या तरुणांनी सामूहिक बलात्कार केला. त्यानंतर तिला मारहाण सुद्धा केली. प्रचंड जखमी झालेल्या मुलीचा उपचारादरम्यान मृत्यू झाला. त्यानंतर पोलिसांनीच मुलीवर अंत्यसंस्कार केले. मानवतेला काळीमा फासणाऱ्या या घटनेविरोधात देशभर तीव्र पडसाद उमटत आहेत.

• राहूल गांधींना अटक, कॉँग्रेसचा रास्ता रोको

सदर घटनेचा निषेध करण्यासाठी शिवसेनेच्या वतीने स्थानिक जयहिंद चौकात शनिवारी दुपारी आंदोलन करण्यात आले. यावेळी शिवसैनिकांनी उत्तर प्रदेशचे मुख्यमंत्री योगी आदित्यनाथ यांच्या प्रतिकात्मक पुतळ्याचे दहन केले. त्यासह घोषणाबाजी सुद्धा केली.

• भिक्षा मागण्यासाठी आलेल्या महिलेवरच केला अत्याचार

या प्रकरणातील दोषींवर व गुन्हा दाखल करण्यास टाळाटाळ करणाऱ्या पोलिसांवर कठोर कारवाई करण्यात यावी, अशी मागणी शिवसेनेने केली आहे. या आंदोलनात आमदार गोपोलिशन बाजोरिया, आमदार नितीन देशमुख, युवा सेना जिल्हा प्रमुख विठ्ठल सरप, महिला जिल्हा संघटिका देवश्री ठाकरे, शहर प्रमुख राजेश मिश्रा, अतुल पवणीकर यांच्यासह इतर शिवसैनिकांची उपस्थित होती.

(संपादन - विवेक मेतकर)